我淨係得0.3,0.5,0.9嘅筆，通常畫畫一開始會用0.3細細力起稿，畫啱比例就開始加深啲線條，陰影的話通常會用0.9打咗浸底先，之後就用0.3 > 0.5慢慢加深

全部筆都係同一深淺度，所以會用力度到去控制，0.3通常係畫details ，0.5就係綑邊，0.9就打底

我自己中意畫咩都定兩個大色調先 通常一暖一冷 上圖為例 遠青藍 近粉黃 沿住個色盤去做漸變

寫低要畫咩 要完成

用marker要好慎重 太多層色marker上唔到色又會搞到一撻撻 畫五官Details位我都會避用marker

我諗要對症下藥 光暗，睇油畫、電影燈光；人體骨架，睇Anatomy；構圖，連影相啲嘢都要睇埋 最直接就係睇自己鍾意嘅畫師 學海無涯 最近買咗啲講上色嘅書，作者叫金智恵/Rinotuna Pixiv Youtube咁啱介紹緊佢 https://youtu.be/iNXB-9LQtZI 我唔係要練人體淨係想上色，就直接影低佢本書張圖 Trace住嚟描線 然後跟佢教學上色

睇漫畫同插畫 以前抄畫 之後就抄骨格同姿勢 再進一步就自己畫服裝同外表

有背景 1.要表達未交待既場景/ 位置轉移 2.遠景時 3.故事開場/ 待續時 4.唔需要/懶得 畫人時

無咩背景 1.對白比較多時 2.表達情緒時 3.顏藝 4.集中在角色身上的情況

木顏色筆可以刨尖，唔太深色重可以刷甩修改，會畫details位，但始終會有紙紋嘅窿

紅藍框嗰啲位就用咗marker做底（marker做底，面頭都有木顏色調整），marker可以填滿D窿，上色快，不過錯咗就冇得改

畫順直嘅頭髮性價比高 有基本形狀、按光暗掃幾層色、刨尖筆加髮絲線就ok 冇想像咁難，而且出來的效果令人覺得「好似好勁」 如畫曲髮，就比畫直髮難十倍了

https://line-of-action.com/ 我都係跟住畫#wail#pig

#Advise to right pic 分享下自己練骨架 速寫骨架唔使畫咁仔細 五官 花紋 衫摺我標下位就算 要練依啲就分開去第二日 同埋唔好留戀係一幅畫 一幅 就算好定衰都跳下一幅 用數量去練[sosad] 不過唔一定啱，自己習慣 一齊努力#yup#

雖然好廢話 時間同經濟許可的話 搵人教可以行少好多冤枉路#hoho# 加油

用多啲成手隻郁 唔好淨係用手腕

你可以就咁Google ’抓型‘睇下人地點做練習 然後可以做啲短啲時間次數多啲 更加有效既練習 令外比啲信心自己 小啲毛毛蟲線

#Advise to right pics 多啲留意光同影嘅形狀 同埋影可以有幾層 唔洗全部一隻色

雖然勤力畫的確好重要 但我會覺得適當地休息下都好重要 特別係你feel到自己為畫而畫 開始厭倦嘅時候 呢段時間唔一定完全咩都唔做 有follow鍾意嘅畫師嘅話 碌到佢哋啲畫嗰陣認真望下 觀察下畫風嘅特點 沉澱一段時間 再望返幅畫就會睇到以前冇留意嘅缺點 一句講晒 學而不思則罔 提升審美能力都好重要 大家共勉

其實我唔「識」畫畫，冇畀錢學過亦都冇乜琢磨過太多畫畫嘅技巧，但係我都「喜歡」畫畫，無聊的時候甚至每天都畫一張，呢家都畫滿了四五六本了。

你地d畫好有創造性啊！我感受性的。我喜歡臨摹，手機𥚃照片畫，畫我鐘意嘅人，可愛嘅小動物，漂亮的風景，或者臨摹別人畫好的我覺得很美的畫。

我大概都會以不專業嘅姿態自由咁喜歡畫畫很久很久，感覺，畫畫已經成為咗我某一種休息思考同感受世界的方式了。